FOTO: Divji Zapad na Halubje z Koktelsi

mauro_koktelsi_smViškovo – Konačno! Već smo se štufali Koktelsi iskat po celoj Europe, aš se više po vane sopu, a najmanje va domaćen kraje. Ma najzad su nan prišli!
Mondo bar na Viškove bil je krcat, i po terase jur je škropilo, su judi paradirali, a se zato ča su bili žejni energiji ka frca z sopnjadi našeh mladići ki z armunikun hode po svete.
I tanto se j’ ta njiha armunika ka j’ već su Sloveniju obašla, jenu večer fermala na Halubje. Malice su prišle od sakuda; z Halubja, Kastafčine, Gromišćine, z Istri, a prišle su i one z Opatije, one ča bivaju v Reke i oniste ča studiraju va Zagrebe. Se su pripejale i svoji novi mladći ki su jih gjedali i čuvali dok su one skakale va prveh redeh.
Bilo je oneh ki su tancali potresujke, oneh ki su poskakvevali sami za se va ritme. Niki, Mauro, Tomi, Tibo, Mandić i Teo obučeni kako kauboji, z velemi klobuki, va “raskinjeneh” trapericah, majicah z keh su se jasno videle njihe fascinantne tetovaži prezeli su saki trun pažnji seh malic ke su se petak večer narivale va Mondo. Sakega od njih su gjedale kako veli bonbon (Mandića kako najveći).
koktelsi_mondo
Malice se nisu ofendile ni kad su njin kantali da su štrige, leh su baš suprotno, skupa š njimi kantale. Pa ni onda kad su njin priznali da saki od njih prihaja z lude kući va koj se saki dan nemi, nisu promenile mišjenje o njimi. Onda se j’ našal Mandić ki se j’ pohvalil kako je vredan i šestan i kako saki dan z kamiki dela i va zemje kopa. Ludo je i veselo bilo – Mondo se j’ pretvoril va pravi Divji Zapad, samo ča su se naši kauboji namesto z pištoli naoružali z armunikami i drugemi instrumenti. Malice su vriskale, mladići zijali, si skupa kantali, tancali, skakali… se do rano jutro drugi dan.
I ča reć leh da se j’ jasno videlo koliko domaći judi vole svoji domaći muzikanti ki su toliko dobri da su se za sen sega udomaćili va EU, a bi reć da će i celu Hrvacku z muzikun porivat nutra.

Veliki šef - Nikola Peršić

Veliki šef - Nikola Peršić


Tomi Kresevič

Tomi Kresevič


Nenad Mandić

Nenad Mandić


Mauro 'Hendrix' Staraj

Mauro 'Hendrix' Staraj


Ni ti ga, ča su ga - Koktelsi

Ni ti ga, ča su ga - Koktelsi


Tekst i foto: Tatjana Udović
Vezane vijesti:
VIDEO: Intervju Koktelsi – trilogija
VIDEO: DVD i CD Koktelsa dobili su?
Promocija singla “Jedna noć s tobom” by Željka Brdar
Grupa Fiesta – Nemoguća energija ka se prenaša na judi
VIDEO: Dve, tri s Alenom Vitasovićem

error: Content is protected !!