FOTO: Jist i pit za niš @ Volosko

liburnijanet_pijaca_pole_dela_volosko Volosko – Kega ni bez njega se more, a onaj ki ni bil – neka mu bude žal. Oviste besedi komotno se moru napisat kada se neš dela na Volosken.
Pedoći na buzaru, maneštra z bobići, domaći pršut i sir, pizze na sto načini, bakalar, princez krafne samo su neke od delicij ke su se mogle provat i pojist, čera na glavnoj vološćanskoj ulice.
I niš ni rabilo. Ni zapiranje ceste, ni privremena regulacija prometa, ni latice od rožic pohitane na ceste, ni črjeni trapid…
Rabilo je neš zet sa sobun (pijača i hrana, op.a.) i čuda dobre voji. Oni ki su, jedan sled, više dali – su sponzori (Oni gore neka ih štimaju), a to su: Claudio Frank, Edi, ekipa z oštarije Pul Tončića, pizzerija Venezia, Radnik Opatija, pizzeria 051, restoran Tramerka, Info lab, staklarna Žerić, Akcija mladih, Staraj d.o.o, Hičkok.…
Vološćanska ‘šahta’ bila je jak magnet i za susedi z bratske nan općine Matuji, tako se je ovemu happeningu prikoštal i šef Koktelsi – Nikola Peršić, bivši Vološćan. Ovisti put je Jano pustil da sope radio, no nadamo se da će drugi put sost – onaj šesni z Koktelsi.