FOTO: Korenšćani na tradicionalnen pohode
A ovu nedeju, red je bil da Korenšćani parte i store užancu. Preko Ivanić, Biškup, Žnjidari i Pičić pridu prijateljon na Vlahov Breg, pak po Staren grade okol Julice nazad na Korensko.
Korensko – Se j’ počelo 1981. leta i to slučajno. Dušan Vlah – Mujo – Rudetov, Ivan Vlah – Violov, Aldo Šepić – Prkatorijev z Vlahovega Brega i Josip Sušanj – Lazinov i Izidor Ćiković – Katetin s Korenskega počeli su pogovor.
Se su to zvončari ki su do onda, a i potle nosili z Mučić, pa i z drugemi kad je rabilo. Korenšćani su počeli krcat Vlahovčani da nisu vredni prit z zvonci na Korensko i da ako se otprave da će ih oni pričekat z obedon. I tako je partilo…
A ovu nedeju, red je bil da Korenšćani parte i store užancu. Preko Ivanić, Biškup, Žnjidari i Pičić pridu prijateljon na Vlahov Breg, pak po Staren grade okol Julice nazad na Korensko.
Veseli, šesni i puni voji, za sen dažjon užancu su storili, a šnjimi su bile i maškare.
M. K. / PodUčkun.net
Foto: David K. / Foto Luigi
Ovo je arhivski članak. Stranice su u međuvremenu redizajnirane.
Kreni od početne stranice - Poduckun.net