FOTO: Tradicionalni pohod Mučićevih zvončari i maškar

admin 11 years ago Kronika

Po užance na pusnu nedeju parti se od Mučićeve ravni, već okol 8 jutro. A kako je bilo čera, morete videt va nastavke teksta…

Mučići -.Svoj tradicionalni pohod jučer su napravili Mučićevi zvončari u pratnji muzike i maškara. Po užance na pusnu nedeju parti se od Mučićeve ravni, već okol 8 jutro, do Jurdani, preko štriki Jurdanićen i Dalotu, okol Javora na Štranjgu i v Rukavac, pak zdolun Mihotićen do Hangara, kade je marenda okol polna. Malo se počine, pak se re do Matuj, i onda zgorun do Frlanije i Dolčića Rubešon, pak preko Kala do Špinčić na obed. Potla obeda poć je proti doma; preko Vlahovega Brega, Jušićen, Jurdanon, Mučićen i do Doma Permani. Stori se 18 kol. Na pusnu nedeju zad zvončari gre i more maškar.

Pred zvončari gre fantina z okrunjenen majon. On je prvi va grupe i tamo kade te zvončari stroit kolo mora razgrnut judi, ”pomest“ i stroit njin mesta. Za njin gre muzika, nejveć puti je to armunika, bubanj, trumbeta i bariton. Onda gredu zvončari, pak na kraje maškare. Kada redu veli i mići zvončari skupa, mići gredu na početke grupi. Z zvončari gre okole kapo i par judi z barilcami, ki skrbe da zvončari ne ostanu žejni i da se imaju s čen okrepit. Va grupe gre okol 30 zvončari. Po dva redu va rede, a va prven i zadnjen po tri. Najboji zvončari su vavek na početke i na kraje grupi.

Veliku fotogaleriju pogledajte u nastavku teksta.

[nggallery id=624]

Ivan Mellor / Liburnija.net

Ovo je arhivski članak. Stranice su u međuvremenu redizajnirane.

Kreni od početne stranice - Poduckun.net