FOTO/VIDEO Mučićevi zvončari storili pohod na Brgud
Svoj pohod jučer su obavili i zvončari Vlahovega brega ki su partili na Korensko te Mučićevi zvončari ki su partili na Brgud.
Mučići – Zvončarski puti jučer su bili pod opasdom dvije zvončarske skupine našeg kraja, a kola su se delala kako i kade užanca nalaže. Svoj pohod jučer su obavili i zvončari Vlahovega brega ki su partili na Korensko te Mučićevi zvončari ki su partili na Brgud.
Od 80-teh let Mučićevi zvončari gredu od Permani preko Ružić, Pojan, Stare pošti i Malega Brguda na Veli Brgud, po šume daje do Zaluk, Brežac, Puži, Varljeni, Mučićeve ravni i pred škuro zadnje kolo store pul Permani. Užanca se j ‘zadržala i do današnjeg dana.
Jučerašnji pohod bio je uvertira za onaj veli ki se stori na Pusnu nedeju kada š njimi okole gredu i maškare. Parte okol 8 ur jutro od Mučićeve ravni okol Jurdanić, Javora do Štranjgi i na marende su okol 11 ur v Rukavce. Po Mihotićeh pridu do Matuj i onda nazgorun do Frlanije i Rubeš. Obed je okol 3 ure pul Spinčić, potle kega se gre okol Vlahovega Brega i Jušić do Permani. Z velemi zvončari gredu i mići zvončarići, i to celi đir, pa ni straha da će se užanca zatrt.
Mučićevi Zvončari Storili Pohod Na Brgud
Ovo je arhivski članak. Stranice su u međuvremenu redizajnirane.
Kreni od početne stranice - Poduckun.net