FOTO: Zvončari u svojim tradicionalnim ophodima @ Korensko, Mučići


Znatiželjnika i zvončarskih fanova nije falilo, pa se glavna prometnica pretvorila u rijeku ljudi koji su ispratili svoje zvončare iz mjesta na cjelodnevnu turu. Fotogaleriju pogledajte u nastavku teksta.

Mučići, Korensko – Tradicionalni ophodi započeti prije dva tjedna nastavljeni su i jučer. Mučićevi zvončari uz pratnju i muzike krenuli su i ove godine u obilazak svojega kraja. Znatiželjnika i zvončarskih fanova nije falilo, pa se glavna prometnica pretvorila u rijeku ljudi koji su ispratili svoje zvončare iz mjesta na cjelodnevnu turu koja je završila u poslije podnevnim satima.
Mučićevi zvončari – Mučići
Od 80-teh let Mučićevi zvončari gredu od Permani preko Ružić, Pojan, Stare pošti i Malega Brguda na Veli Brgud, po šume daje do Zaluk, Brežac, Puži, Varljeni, Mučićeve ravni i pred škuro zadnje kolo store pul Permani. Užanca se j ‘zadržala i do današnjeg dana. Na Pusnu nedeju š njimi okole gredu i maškare. Parte okol 8 ur jutro od Mučićeve ravni okol Jurdanić, Javora do Štranjgi i na marende su okol 11 ur v Rukavce. Po Mihotićeh pridu do Matuj i onda nazgorun do Frlanije i Rubeš. Obed je okol 3 ure pul Spinčić, potle kega se gre okol Vlahovega Brega i Jušić do Permani. Z velemi zvončari gredu i mići zvončarići, i to celi đir, pa ni straha da će se užanca zatrt. (izvor TZ Matulji)

Osim Mučićevih zvončari, u svoj tradicionalni pohod krenuli su Zvončari i maškare Korensko i Vlahov Breg.

Zvončari i maškare Korensko i Vlahov Breg
1981. leta našli su se slučajno, ma dobro da su. Dušan Vlah – Mujo – Rudetov, Ivan Vlah – Violov, Aldo Šepić – Prkatorijev z Vlahovega Brega, i Josip Sušanj – Lazinov i Izidor Ćiković – Katetin s Korenskega počeli su pogovor. Se su to zvončari ki su do onda, a i potle nosili z Mučić, pa i z drugemi kad je rabilo. Korenšćani su počeli krcat Vlahovčani da nisu vredni prit z zvonci na Korensko i da ako se otprave da će ih oni pričekat z obedon. I tako je partilo… Jutro, na Lontošnju nedeju, najdu se si ki su vredni nosit, muzika i maškare i parti se z Vlahovega Brega okol Frlanoveh, pičić, Žnjidari Bišupon na marendu, od Bišku Ivanićen, pa na Korensko obedvad, zatancat, zakantat i počinut. Od Korenskega preko Jurdanić do Julice, pa po staren grade okol Jušić doma na Vlahov breg. Sako leto jedni drugen va gosti prihajaju, pa tako ovo leto toka Korenšćani da z joga parte preko Ivanić, Biškup, Žnjidari i Pičić prijateljon na Vlahov Breg, pak po Staren grade okol Julice nazad na Korensko. Kako sami reču: Nimamo velu užancu, ma smo veseli i radi remo. (izvor TZ Matulji)

[nggallery id=29]
Ivan Mellor / Liburnija.net
Foto: Alfred Šaina, Valerija Puž, Karmen Ventin / Art-film

Ovo je arhivski članak. Stranice su u međuvremenu redizajnirane.

Kreni od početne stranice - Poduckun.net