FOTO: Zvončari Vlahovega brega, Zvonejski i Mučićevi zvončari na svojim tradicionalnim pohodima

Zvonejski zvončari

Zvonejski zvončari

Zvonejski zvončari išli su u Rukavac, zvončari Vlahovega brega u pratnji maškara šli su na Korensko, a Mučićevi zvončari i maškare 31. put su partili za Brgud. Fotogalerije svih zvončarskih pohoda pogledajte u nastavku teksta…

Zvoneća, Mučići, Jušići – Zvončarski puti danas su bili pod opasdom čak tri zvončarske skupine našeg kraja, a kola su se delala kako i kade užanca nalaže. Zvonejski zvončari išli su u Rukavac, zvončari Vlahovega brega u pratnji maškara šli su na Korensko, a Mučićevi zvončari i maškare 31. put su partili za Brgud.

Mučićevi zvončari

Mučićevi zvončari

– Krepki zvončari iz Zvoneće partili su okol Sušanj, preko Zdemera i Kućel do Biškup kade njin je po užance marenda. Malo kumbasic, vina, kakov ulenjak al kušćić presnaca dobro pride pred Rukavcon. Okol Brezovca, Krujac, Filetoveh i Jurdanoveh kampanaju proti Mirine. Zdolun do Kalića judi je pred i zad njimi cela curma. Dokle su oni još na Kaliće pred butigun već je odbor parićan. Brentica z vinon, golice, bukaleti, a i dva partenjaka z koficun ulenjaki. Zvončari kolo delaju, a mi od zgora gledamo i govorimo da jih je lepo videt. Si smo nasrhnjeni, aš prišli su, užanca j’ storena. Neken se jur i suza va oke sveti… Z brentice piju si od reda, i to j’ užanca, ni lahko, ma saki zvončar to ume i more. Dve tri besedi z prijateli, malo kanta i sopnjadi i parte naprvo. Dugo j’ još Zvoneća. Okol Štranjgi i Julice pridu v Istranku kade obedvaju. Malo počinu, poprave zvonci i gredu daje. Pul Jurdani, Mučić i na Brešceh čeka jih čuda judi. Saki rada zvončari pričeka, ponuti z pijaču, kakovun slašćicun, malo poćakula š njim. Čast je poznat zvončara. Preko Breškega Dola pridu do Zaluk. Prvi su sada Zalukari, oni kolo predvode. Si stresaju kot da su sada partili, kot da ni zad njimi dug i naporan put. Kolo j’ storeno. Sopu i kantaju, zvončari i si ki su prišli jih videt. To su blagdani va našeh mesteh. Cel dan smo za njimi, gledamo, uživamo i mislimo da ne postoji niš lepče od tega. Do Zvoneće još je jako malo, a voji i forci za najmanje još jedan đir storit, napisala nam je stručna pusna suradnica Marijana Kalčić.

Zvončari Vlahovega brega

Zvončari Vlahovega brega

Od 80-teh let Mučićevi zvončari gredu od Permani preko Ružić, Pojan, Stare pošti i Malega Brguda na Veli Brgud, po šume daje do Zaluk, Brežac, Puži, Varljeni, Mučićeve ravni i pred škuro zadnje kolo store pul Permani. Finili su pohod zadovojni i parićani za onaj “poznateji” pohod na pusnu nedeju kada te storit 18 kol i fanj kilometar…

Svoj pohod jučer su obavili i zvončari Vlahovega brega ki su partili na Korensko. Užanca dura od 1981., kada zvončari i maškare parte z Vlahovega brega, pasaju okol Frlanoveh i Žnjidari do Javora, onda Biškupon kade je parićana marenda. Pokle se parti Ivanićen, do Korenskega na obed, potla se spušćaju preko Julice, do doma Jušića, preko Starog grada nazad na Vlahov breg.

Pust 2015. – Pohod Zvonejskih zvončari na Rukavac – fotogalerija

Pust 2015. – Pohod Mučićevih zvončari na Brgud – fotogalerija

Pust 2015. – Pohod zvončari Vlahovega brega na Korensko – fotogalerija

Zvonejski zvončari

Zvonejski zvončari

N. Cvjetović / PodUčkun.net
Foto: David K. / Foto Luigi

Ovo je arhivski članak. Stranice su u međuvremenu redizajnirane.

Kreni od početne stranice - Poduckun.net