[VIDEO] Ča bi reć – “Ki je bil Ronjgov?”, poveda nan Saša Matovina

Marin Aničić 3 years ago Kronika

Saša Matovina je čuda delal na stvaralaštvu Ivana Matetića Ronjgova pa ni bojega čoveka ki nan more ča od njega povedet.

Matulji – Va “Ča bi reć” je opet bil Saša Matovina. A ča bi reć? Ivan Matetić Ronjgov  (1880. – 1960.) je bil kompozitor, melograf i glazbeni pedagog, rojen va Rojnićeh blizu Svetega Mateja pa si je tako i dal ime Ronjgov. Cel život je zapiševal istarsku narodnu muziku i komponiral va ten duhe kako se ne bi pozabila muzika. Bil je prvi kompozitor ki je istarsko-primorski glazbeni idijom adoperal va vokalnoj muzike. 2009. leta je , kako se to stručno reče, dvoglasje tijesnih intervala Istre i Hrvatskog primorja uvršteno na  Unescovu reprezentativnu listu nematerijalne kulturne baštine, ča moremo po su pravu reć, da se ne bi dogodilo da nismo imeli Ivana Matetića Ronjgova. Ovo leto 2020. je  leto od Ronjgova. Dve letnjice su ga ovo leto senjale, 140 let od  njigovega rojenja i 12.12. je bilo šezdeset let da je umrl i pokopan v`Opatije. Saša Matovina je čuda delal na stvaralaštvu Ivana Matetića Ronjgova pa ni bojega čoveka ki nan more ča od njega povedet.

Ovo je arhivski članak. Stranice su u međuvremenu redizajnirane.

Kreni od početne stranice - Poduckun.net