[VIDEO] Munski zvončari – Težak korak bez straha od zimi

Pogledajte kako Munci živu peto godišnje doba.

Matulji – Na Tri kraji prvi zvone Žejanci ma prvi ki ga obese pokle njih su Munci. Oni pust zdižu pokle Tri kraji, na pol noći od 6. na 7. Druga epizoda emisije “Pusna” je posvećena Munsken zvončaron pa j tako Zoran Kinkela – Mežnjar z kumpanijun TV Novinet-a šal malo videt va Mune po čen su ti zvončari tako posebni a  si zvončari su posebni aš si imaju neš drugačje ča niki drugi nima, i va uniforme, i va zvonceh i korak je drugačji, užanci i još se neš.

Predstavnik pusnog odbora Mune, Dorijan Samsa nan je povedel užanci, kako se dela klobuk, kako se čuva aš ga ni lahko storit, kako se  zvoni va pare, kako se ćapuje korak, po čen su Munski zvončari posebni, ča se pusno društvo dela za vreme pusta. Ženske su nan pokazale od česa je se storena ženska nošnja. Pogledajte kako Munci živu peto godišnje doba.