[VIDEO RAZGOVOR] Sven Sušanj – Od Kastavca meseca do najbojega studenta prava
Marin Aničić 3 years ago NovostiMisli da će poć nekako va smjeru predavača aš misli da ako čovek zna prenest znanje, a to mu re, da bi bilo škoda da to i ne dela.
Matulji – Sven Sušanj, mladić z Zameta ki j već čuda nagradi dobil danas je student prava na rečken sveučilištu. Zaš je jušto pravo zibral ne bi nan znal reć. Bilo j dosti studiji ki je šal gledat kad je rabilo upisat fakultet pa j nakon čuda tega ča ne bi prišal na pravo. Kad sej ćapal prva, onputa j videl da j to jušto to ča oteje. Danas je već na četrten lete. Govori da čuda mladeh judi pošnu neš studirat a pokle vide da nisu baš najboje zibrali. Ne bi otel bit ni sudac nit advokat ma je čuda stvari ke se moru delat s ten fakulteton. Čuda voli delat z studenti i dela ko demonstrant. Bavil se j i z debatun va srednjoj škole. Misli da će poć nekako va smjeru predavača aš misli da ako čovek zna prenest znanje, a to mu re, da bi bilo škoda da to i ne dela. Ča j navadil va debatnen odbore i ča planira delat, kako uvažavat suprotno mišljenje, va ovo vreme kad se si samo jadimo jeni na drugeh , povedel nan je ov mladi i pametan čovek pa pogledajte.
Ovo je arhivski članak. Stranice su u međuvremenu redizajnirane.
Kreni od početne stranice - Poduckun.net