VIDEO Va spomen na Josipa Stanića – Prigodnim videom obilježeno 80. godina od rođenja leprinačkog pjesnika
Nikola Cvjetović 4 years ago NovostiVa videe ćete čut njegove pjesme ke govore Rajka Jurdana Šepić, Marija Trinajstić, Cvjetana Miletić, Vlasta Sušanj, Puhar Valter, Luka Skorić, Darinka Martinčić, Ivo Stanić, Boris Rumac i Zorica Sergo…
Veprinac – Na današnji dan 1. maja 1940. va Leprince rodil sej Josip Stanić i da je danaska živ imel bi jušto 80 let.
– Ni više mej nami, ma nan je pustil velu bogatiju va svojeh pjesmi i va svojeh štorijah. Jedan skroman čovek, Leprinčan, ki je za svojega živjenja napisal šest knjig od 1982. leta do 2003. leta. Udruga Kulturno društvo Leprinac, čigov je i on bil član, njemu va spomen storila je video va ken ćete čut njegove pjesme, a i videt jedan del njegovega kraja i Leprinca kega’j toliko volel. Zahvaljujemo se od srca semi ki su sudjelovali va oven projekte, a to su Rajka Jurdana Šepić, Marija Trinajstić, Cvjetana Miletić, Vlasta Sušanj, Puhar Valter, Luka Skorić, Darinka Martinčić, Ivo Stanić, Boris Rumac i Zorica Sergo. To je samo jedan mali del onega čaj napisal Josip Stanić ali i od tega ča sej zibralo more se čut lepota živjenja va ovem kuščiće raja va ken bivamo – va suze i va smehu. Verujemo da ćemo kada ovo vreme Koronavirusa pasa storit još puno tega da se ono ča je napisal ne pozabi, a neke najave već imamo. Osin semi, ča su se zajno odazvali našemu pozivu, zahvaljujemo i Alexu Koteviću ki nan je na kraju to se grafički obradil. Uživajte, poručili su iz KD Leprinac.
Ovo je arhivski članak. Stranice su u međuvremenu redizajnirane.
Kreni od početne stranice - Poduckun.net