[VIDEO] Zoran Kinkela Mežnjar – ‘Ni pust samo maškarat se i poć va oštariju’

Nikola Cvjetović 3 years ago Novosti

Mežnjar ki j va pusneh užancah od  kad je rojen je najboji čovek ki će van špjegat ča j  ča i ki j ki va svetu pusneh užanci. “Ni pust samo maškarat se i poć va oštariju”, zato od druge šetemani, va  aranžmanu Novinet počinje emisija “Pusna” …

Matulji – Ki ni čul za pust ni čul ni za Mežnjara. Zoran Kinkela Mežnjar je čovek ki  sope od  mićega, kako sam reče, prej nego j va školu počel hodit. Od  pred malo vreme je poznat i ko Tom Cruis  za  siromahi aš je postal i glumac va projekte “Oštija” ki je  osmislil Damjan Grbac a dela se o temu da  su  snimili kratki filmići na temu domaćeh besed ke se više ne adoperaju. Prišal je va  studio Novinet TV-a jušto na četrdeseti rojendan  a to morda neš i znači. Kako j ovega  leta se malo pomanje, Mežnjar sej  spametil malo se to dokumentirat va  emisije “Pusna” va  aranžmanu Novinet TV-a da judi malo navade ča od ove bogate tradicije aš ki ne zna njemu j se to isto, a ni i ne daj bog da jenemu zvončaru rečeš da j tako. Mežnjar ki j va pusneh užancah od  kad je rojen je najboji čovek ki će van špjegat ča j  ča i ki j ki va svetu pusneh užanci. “Ni pust samo maškarat se i poć va oštariju”, poveda Mežnjar, “judi se  za pust parićuju čuda prej.”  Ko čovek ki nikad  ne miruje pa ni sada kad  se miruje  povedet će van još čuda tega va ovoj emisije 11 manje kvarat.  Pogledajte!

Ovo je arhivski članak. Stranice su u međuvremenu redizajnirane.

Kreni od početne stranice - Poduckun.net