“Ča reš ribi lovit? Ne, aš ren ribi lovit. A ja san mislel da reš ribi lovit!”

Maškarani ribari

Maškarani ribari

Lovran – Danas se va Lovrane održava daleko poznata Zubijada. Za oni ki za nju nisu čuli, Zubijada je natjecanje va ribolovu i to maškaranen. Zubijada je dobila ime po lovransken ribolovnen klubu “Zubatac” ki već godinama niže izvrsni rezultati, ča po Hrvatske, tako i po svete. Priden ja po oven lepen vremenu na lovranski mul, ali maškar nisan videla. Prišla san malo prerano pa je sve još bilo va pripremah. Tako san leteć uspjela dobit par informacij o ovoletnje Zubijade, devete po redu, more se reć i jubilarne aš je pred deset let bila takozvana “nulta”, probna.
Ovo leto će na ovemu maškaranemu ribolovnemu natjecanju sudjelovat nekoliko ribolovneh klubi; Iz Rovinja, Raše, Preluka, Opatije i Ičić. Okupljanje je va lovranske Stubice, a onda sudionici, maškare z muzikun redu hodeć do mrkata. Na mule počinje natjecanje va dve kategorije: juniori do 16 let i drugi od 16 let.
Nagrađuju se najlepše maske, a ulovljene se ribi broje, a ne pežu .Organizatori su Ribolovni klub “Zubatac” Lovran, Općina Lovran i b.b.k. “Marun”. “Marun” zato aš se danas održava i 5. po redu maškarani triatlon. Te tri discipline, od keh će se ovo leto održat samo dve aš po dažje neće vozit biciklete, su pobiranje jaj po Staren grade i tri kruga z jaji va žlicami po jajodrome na mule. Zahvaljujen se organizatorima ča su odvojili vreme za me, da stavin jedno od stvarno mnogobrojneh događanji va Lovrane na naš portal, a stara Duletova “ne reči nikad rogi ribaru “ morda stvarno i vredi, vreme nikakovo, more isto, toliko z Lovrana…
Sanja Slavić (mulica z Lovrana)

Ovo je arhivski članak. Stranice su u međuvremenu redizajnirane.

Kreni od početne stranice - Poduckun.net