Cesta pusne domaće hrani i Zvončarska montura ovog petka va Štale na Staroj pošte @ Permani

Arhiva

Petak 26. jenara još jedanta pozivamo si judi da od sedme uri naprvo budu znami na najbojen “Maškaranen šušure va štale”.

Permani – Na ‘Ceste pusne domaće hrani’ o puste se parićuju pusne delicije, a tako će biti i ovog petka, 26. sječnja va Štale na Staroj pošte.

– Parićevat će se slatki i slani specijaliteti ki su tradicionalni za Općinu Matulji i Liburnijski kraj va pusno vreme. Va prostoreh kuhinje restorana „Stara pošta “ i va „Štale“ kuhat će se pusno. Kuhari restorana „Stara pošta“, Ugostiteljska škola z Opatije i naše “mami” od najbojeh kolači, pokaževat će kako se po starinsku parićuje kisela repa z fažolon, palenta, kapuz,kobasice, ocvirki i zapešt te pusne slatke delicije kod ča su ulenjaki, kroštuli, presnac, slatke krvavice i drugi specijaliteti. Pozivamo seh ki su zainteresirani da pridu videt kako se parićuje i degustirati se ča parićamo. Osim tradicionalneh pusneh specijaliteti, bit će izložene i zvončarske monturi od zvončari našega kraja, delat će se kod i lane pusne rožice, a od osan ur večer nastavljamo z tancon uz Ansambl Brkinci, javila je Tina Dekleva Babić.

Pusni tanci va Štale na Staroj pošte nastavljaju se i ove subote uz trio Nike Polesa, Pusnu Lady Lunu te Trota i Blaža, kojima će se sljedeće subote pridružiti Trio Rio & Jozefina i Eni Jurišić s Abba show-om.

N. Cvjetović / PodUčkun.net

Ovo je arhivski članak. Stranice su u međuvremenu redizajnirane.

Kreni od početne stranice - Poduckun.net