FOTO: Kako smo dažju pokazali rogi – maškarani Tomos fest na Velen Brgude

maskarani_tomos_fest_veli_brgud_1

Nakon tri leta uspješne organizacije “klasičnega” Tomos festa, prišal je red i na maškaranu verziju, a inicijator sega, Daniel Bezjak, zahvaljuje se sen ča su prišli i nada se da će k letu bit bojo vreme ko će privuć i više natjecatelji.

Veli Brgud – Kako i va filme “Glup i gluplji” Lloyd i Harry krenuli su na put, samo ne preko cele državi nego okol Brguda i prišli i otprli 1. maškarani Tomos fest. Dado i Toni za sen su dažjon startali, storili đir i sen okupljenen dali koraj da i oni startaju.

Supermen, beskućnik, kauboj, vrag, olovka, kuhar, banana, zvjer… samo su neke od maski našeh natjecatelji ki se nisu prestrašili dažja, nego su prišli na Brgud i bili del maškarano – adrenalinske zmeši.

Red dažja, red gemišta, red smeha, red mordateli i kulena i se to uz dih benzini, od dveh su se pa skoro do šest večer zmenjevali na burgujsken igralište.

maskarani_tomosfest_veli_brgud_2014_4

Nakon tri leta uspješne organizacije “klasičnega” Tomos festa, prišal je red i na maškaranu verziju, a inicijator sega, Daniel Bezjak, zahvaljuje se sen ča su prišli i nada se da će k letu bit bojo vreme ko će privuć i više natjecatelji.

Va klase brzinci prvo mesto je zel Ervin Juretić, drugo Mauricio Kusturin, a treće Edin Duraković. Matteo Mladenić bil je jedini i najboji va klase automatik, a Ervin Juretić imel je najatraktivneji i najnemeji nastup. Ervin Juretić, maškaran va beskućnika, seh prisutneh dobro je zabavjal, pa ne čudi da je osvojil i posebnu nagradu. Kot apsolutni pobjednik vožnji spretnosti rekal nan je da je bilo jako teško, aš da j’ konkurencija bila jako jaka, ma podrška navijači da je bila presudna.

Organizatori su odlično obavili posal i skupa z natjecatelji se jako dobro zabavjali, a vi ki niste prišli, more van bit žal. Kako je bilo pogledajte va foto galerije na oven linke…

maskarani_tomos_fest_veli_brgud

M. K. / PodUčkun.net

Ovo je arhivski članak. Stranice su u međuvremenu redizajnirane.

Kreni od početne stranice - Poduckun.net