FOTO: Kvadri barbe Zorana – va Zore
admin 13 years ago Kronika…zadnji ovoletnji happening Katedre čakavskega sabora Opatija ni mogal boje finit…
…va nastavke ovega teksta morete hitit oćadnu na litrati ke smo parićali…
Opatija – Barba Zoran je čuda volel pisat. O semu: od judi do užanci, od škerci do dela, od sreći do nevoji. I se je to finilo va libri ki su va bibliotekah, na škafaleh, ki put ih se pročita, ki put pobiraju prah.
Ma kad ih se od črneh slov na beloj al žutoj karte prehiti va teatar, to je već neš ča rabi poć videt.
Zoran Kompanjet, štimani autor čakavskega univerzuma, podloga je performansa ki je izveden utorak va društvenen dome Zora, va organizacije Katedre čakavskega Sabora Opatija i va izvedbe dramske kompanije Čakavske katedre Kostrene. Kompanjetovi versi, povedani kroz okviri od kvadri pravi su akvarel liburnijskega ČA – domaćega čoveka, njegoveh brigi i veselja ča ga kompanjaju kroz celi život. Skice iz života, tako prave da se moru opipat, uz ono malo crnega humora – koliko rabi.
Tekst i foto: David Kurti
Ovo je arhivski članak. Stranice su u međuvremenu redizajnirane.
Kreni od početne stranice - Poduckun.net