Ne propustite Pusni četrtak pul Princip @ Matulji

Ne propustite Pusni četrtak pul Princip @ Matulji

Arhiva: Zvončarska prova Brajani 1997.

Dobro je napomenut da je to prava prilika da zvončar bude i neki ki to još ni nikada bil. Provat more ki god će.

Arhiva: Zvončarska prova 1998.

Matulji – Do kraja pusta i početka Korizmi ostalo je još sega nekoliko dan pa se saki dan va drugen meste neč dogaja. Trebalo bi se to i zapisat da se ča ne pozabi. Zato sada ovde morete doznat kamo j’ poć četrtak, a zadnji četrtak pusta, poć je Principon.

— Se je počelo pred dvajset i više let kada je par zvončari odlučilo poć storit provu za Pusnu nedeju kada gredu Mučićevi zvončari. Leto po leto put njin je postajal daji, a zvončari je bilo se više. Danas to više ni lih prova nego prava užanca. Sako leto zvončari parte z jenega od sel Mjesnega odbora Principi i va isto se selo večer vrnu. Ovo leto su to Mavrići. Zvončari na taj dan malo manje bacelaju okol spravjanja. Obuču huje brageše, stomanju na kvadri, stave kožu, zvonci, a va ruku zamu baltu. Spreda zvončari gredu muzika i maj, a zada maškare. Dobro je napomenut da je to prava prilika da zvončar bude i neki ki to još ni nikada bil. Provat more ki god će. Za kraj je dosta reć da si ki oteju prit videt i doživet kako zgleda Pusni četrtak pul Princip, budu okol dve ure pul Mavrić kada te zvončari partit. Dočekat ih moru va isten sele večer, a mej ten nać va neken od seli Mjesnega odbora Principi: pul Franić, Princip, Brajan, Obadi al Božinić. Večer će za si zvončari, muziku, maškare, ma i za si judi ki se tamo najdu, pul Mavrić bit parićano dobro za jist i popit, a sako leto se se to stori uz financijsku pomoć od Općini Matuji, rekli su nan pusni judi od Princip.

Arhiva: Zvončarska prova Franići 1997.

error: Content is protected !!