U oku kamere: Ponovo okupljanje Lumber ‘seniora’ @ Hangar

lumber_senior_okupljanje_hangar_matulji_2014

Lumber klub je storen pred 48 let, a ovo su neki od najstarejeh člani.

Matulji – “Nakon čuda let smo se opeta našli si skupa za jednen stolon.”, tako su nan povedeli Dorica i Mario, jedni od Lumber seniori, kako su se sami nazvali. “Ma nas je još, samo nisu si arivali prit na repu!”

Lumber klub je storen pred 48 let, a ovo su neki od najstarejeh člani. Pust je ono za ča celi život živeju i delaju. va svojoj slavnoj karijere su organizirali čuda tega: pusne povorke po Opatije, pusni tanci po opatijsken hoteleh – va Zagrebe (onega kega su srušili pred leto-dve), va Palmah (današnji Bristol), va Avale (ka je postala Agava), va Kvarnere (ki je dobil puškarnicu) i va Imperijale (ki je zgubil kavanu i dobil Automat klub). Ti tanci su bili tako jaki da je jedanta pal luster od silnega tancanja.

“Ma nismo delali samo za Pust, mi smo bili parićani već okol Božića! Delali smo mi i dočeki Djeda Mraza – voz je bil od Brubnjaka, a konji bi prišli z Lipic. Jedno leto smo storili i leteći doček; Djed Mraz je doletel drito z avionon Krila Kvarnera z Grobnika i padobranon se‘j spustil na Slatinu na plažu.” rekal nan je jedan drugi Lumber Senior. “Kada bi pal sneh, si bimo šli klatit javoriku i kamelije va park i sakuda po Opatije kade je rabilo.”

I jušto smo se zaćakulali uz štorije nekadajne kada je prišlo jist, pa smo pustili Lumberaši da pojidu na mire. A pokla večeri, ćakula je partila naprvo do kasne dobi…

[nggallery id=1200]

Foto i tekst: David K. / Foto Luigi

Ovo je arhivski članak. Stranice su u međuvremenu redizajnirane.

Kreni od početne stranice - Poduckun.net