VIDEO, FOTO: Ki ne skače ni za Pust – Premijera novog spota i otvorenje pusnih tanci uz Koktelse @ Permani

koktelsi_snimanje_spota_ki_ne_skace_ni_za_pust_2016_kosi_bregi_1

Novi video spot ekskluzivno pogledajte u nastavku teksta, fotogaleriju sa snimanja spota na ovom linku, a ako vam ni to nije dosta večeras u Permanima imate prilike za dodatnu dozu Koktelsa.

koktelsi_snimanje_spota_ki_ne_skace_ni_za_pust_2016_kosi_bregi_5

Permani – Iz kreativne kuhinje Koktelsa danas je izašao novi video uradak s kojim najavljuju večerašnje otvorenje Maškaranog centra Permani. Naime, pusni miks, pod nazivom ‘Ki ne skače ni za Pust’ objedinio je četiri pjesme povezane u njihovom prepoznatljivom stilu.

Hop-hop, Lumpanje, Čekajjj i Fudrin snimljene su u pusnom štihu, a ove srijede uslijedilo je cjelodnevno snimanje na Bregima i Halubju.

koktelsi_snimanje_spota_ki_ne_skace_ni_za_pust_2016_kosi_bregi_3

– Kraljice, zvončari i Koktelsi… a ča reć nego Živio Pust! Pust je kratak, ni vremena za spat i vreme je za novi pusni miks i spot ‘Ki ne skače ni za Pust’. Pasala je Antonja i počele su sve pusne nemotarije, a va ritme potresujki i va dihe domaćeh kobasic snimil sej novi pusni spot od Koktelsi. Kako i pustu priliči, grdi muški i lepe ženske cel dan su munjesali tancali i kantali, jako pili i fanj se strudili ma ne za niš aš novi spot dura puneh šes i pol minuti. Prvo sej delalo pusta pul “Sukia” va Bregeh. Prišle su pomoć malice z “Vavek Parićani” Ana Tancabel, Vedrana Dujmić i Roberta Dešković i su pobrale sobun Ninu Simčić z “Pusne kumpanije Grada Grobnika” i Teu Ćiković z “Zijat sost tancat i pit” i majstora potresujki Antoniota Klanjca…bi se reklo pusni dream team! Dokle su muški delali pusta žeske su rezale kobasice i parićevale pijaču pa sej brzo i zatancalo potresjuku po stole! Pust je dobil ime “KaraBožo Z Mosta” i procesija je partila da ga obese! Ma niš bez zvočari i to oneh najmanjeh Sukiji juniori Andre i Nino nosili su i zvonili ko najveći magari skupa nimaju ni osan let!

koktelsi_snimanje_spota_ki_ne_skace_ni_za_pust_2016_kosi_bregi_2

Daj mi biru neću sok! Nakon ča sej pusta obesilo, skočil smo na halubje do Kosi pul Lindi va Konobu, ognjišće sej steplilo muzika sej pojačala, a mići zmuji su se zamenili z punemi kriglami birri od litri neki su misleli da te se zivuć, ma prave pusne divojki ne pušćaju tako lahko doma, nego prazni žmuji pune na meru, a za oni neposlušni tuj vavek stroga profesorica ka će njin šibun dat dve po rite. Ne remo doma aš još je rano… Fešta je potrajala do jutra, na kraje je na feštu prišal i Elio Pisak a dogodile su se i neke nove ljubavi z sretnin završetkon va Tinoven pusnen fićote! Spot je snimala vesela ekipa VBV studia Pula (Vedran i Braco Đukić) red je držala Marta Ursić, a profesionalni MakeUp Romana Poropat. Snimalo se je va Bregeh pul Sukia va Konobe i na Halubje pul Lindi! Moremo se pohvalit da smo va spote imeli dve Kraljice rečkega Karnevala Ninu i Vedranu i Teu ko Najpusnu divojku! Reć ćemo samo “Tino fićo ti je zakon!” Veliko Hvala Vavek Parićani Matulji ki su nan posudili robu, ženske i popravili kombi za spot! Premjera spota subotu na 6 ur večer na društvenim mrežama, youtube, portali, novine, a sledećeh dan po televizijah! MTV,CNN,SKY Music, DM Sat…. i ostali! A večeras morete čut kako to zvuči va Permaneh! Vidimo se! Živio Pust, poručili su Koktelsi.

Novi video spot pogledajte u nastavku teksta, fotogaleriju sa snimanja spota na ovom linku, a ako vam ni to nije dosta večeras u Permanima imate prilike za dodatnu dozu Koktelsa.

koktelsi_snimanje_spota_ki_ne_skace_ni_za_pust_2016_kosi_bregi_4

N. Cvjetović / PodUčkun.net

error: Content is protected !!