FOTO: Štorije od Rukavca, Kućel i šire okolice va Zore

liburnijanet_sepic-bertin_sm…sega je nutre, a svaka štorija je jedna mića kartulina…
…prvo druženje ove jeseni va organizacije Katedre čakavskega sabora Opatije pokazalo je da je čakavska scena ne samo živa, nego je i puno judi ki vole…

Opatija – Saki voli svoje užanci, svoju besedu, svoj kraj. I saki se more sjetit magar jedne – dve štorije ča je čul, doživel ili pročital kad je bil mići, judi ča su živeli va nekeh drugeh vremenah kada ni bili Facebooka, Interneta i digitalne televizije.
Nekemu je fora povedat o temu, a Franjotu Šepiću – Bertinu je bilo fora stavit te štorije na kartu i to se parićat va jednu knjigu. I jušto ta knjiga je doživela svoju prezentaciju 28.09. va Zore.
Štorije od Rukavca, Kućeli i šire okolice – Istini, škerci i običaji je knjiga od rožic, užanci, vanzemaljci, prvega i drugega svjetskega rata, OOURi i SOOURi, stareh judi i miće dece, blaga i hrani… Sega je nutre, a svaka štorija je jedna mića kartulina ka čitatelju pokaže i opiše jedan mići košćić čakavskega univerzuma. Kad se fini knjiga, od silneh košćići se složi mozaik čakavštine ki je va isto vreme tako jednostavan (štorije opišuju kako se živelo onputa) i tako kompliciran (zbog specifičnega izričaja) da dojde gušt se nanovo pročitat
Sama knjiga je bogato opremljena slikami ovega kraja, a kako piše va predgovore autor je većinu sam slikeval.
Prvo druženje ove jeseni va organizacije Katedre čakavskega sabora Opatije pokazalo je da je čakavska scena ne samo živa, nego je i puno judi ki vole čitat i naslišat domaće besedi i versi. Dvorana Zore je bila premića pa je dosta njih ostalo na škalineh. Knjigu su predstavili recenzenti, a po par štoriji su pročitali čakavski autori, dok je par kanconi odsopla i otkantala Ivana Marčelja.
Knjiga je prvo izdanje nove nakladničke kuće – naklade Kvarner, a već se parićuje par noveh naslovi za ČA biblioteku do kraja leta.

Liburnija.net: Štorije od Rukavca, Kućel i šire okolice va Zore

Liburnija.net: Štorije od Rukavca, Kućel i šire okolice va Zore


Liburnija.net: Štorije od Rukavca, Kućel i šire okolice va Zore

Liburnija.net: Štorije od Rukavca, Kućel i šire okolice va Zore


Liburnija.net: Štorije od Rukavca, Kućel i šire okolice va Zore

Liburnija.net: Štorije od Rukavca, Kućel i šire okolice va Zore


Liburnija.net: Štorije od Rukavca, Kućel i šire okolice va Zore

Liburnija.net: Štorije od Rukavca, Kućel i šire okolice va Zore


Liburnija.net: Štorije od Rukavca, Kućel i šire okolice va Zore

Liburnija.net: Štorije od Rukavca, Kućel i šire okolice va Zore


Liburnija.net: Štorije od Rukavca, Kućel i šire okolice va Zore

Liburnija.net: Štorije od Rukavca, Kućel i šire okolice va Zore


Liburnija.net: Štorije od Rukavca, Kućel i šire okolice va Zore

Liburnija.net: Štorije od Rukavca, Kućel i šire okolice va Zore


Liburnija.net: Štorije od Rukavca, Kućel i šire okolice va Zore

Liburnija.net: Štorije od Rukavca, Kućel i šire okolice va Zore


Foto i tekst: David Kurti

Ovo je arhivski članak. Stranice su u međuvremenu redizajnirane.

Kreni od početne stranice - Poduckun.net