FOTO: Dule, Silvana i POL @ MIK

mikcavlesmMIK inside… kratki osvrt i priča sa svih festivalskih večeri ovogodišnjeg MIK-a…
Za Liburnija.net piše, fotografira, komentira i svira David Kurti
Ja, počel je MIK. Onaj pravi. Jedini karavanski festival u Hrvata. Karavanski aš pohaja okole i saku večer je va drugen meste. Ovega leta su dve novine, ke se tiču našega kraja. Prva vela novina je da nakon čuda let će se opet sost va Opatije.
Još se spametin zadnjega koncerta kada je ljetna bila puna kot šipak judi ki su prišli naslišat domaći kanat. To je bilo kad je Šajeta storil koncert Opatija gori. On je bil obučen va milicionera, a ja san se deset minuti rival za prit s kraja na kraj ljetne. Mi se pari da ovaj put neće bit niš od ljetne aš je daž počel padat (i nebo plače od sreći), pa ćemo poć si va Kvarner – malo ekskluzive kristalneh lusteri da MIKovci vide da su prišli va pravo mesto.
Druga novina je da su na MIK-e ovo leto najbrojneji – izvođači z Liburnije, i to Dule, Silvana i POL. Ćete reć da su to tri, ma računajte ovako: Duleta i Silvanu poznate, ki je bil na Tomaševce neki dan ih je i čul. A POL, ili Puhački orkestar Lovran (ili Limena glazba z Lovrana), njih je okol 35 – 40. Znači najviše ih je. Toliko ih je da je MIK karavana morala dodat još jednu kurijeru.
Čera je MIK i službeno počel, na Čavjeh. Prvi dan je onako za videt kako to sve dela, ča rabi promenit i uštimat, i tu su se si brzo uštimali. Publike se pjesme se pijažale, a najviše glasi su dobile klapa Grobnik, klapa Sol i Alen Polić i VIS Jabuka – to je prednost kad igraš doma. Danas zapolne okol pete MIKovci prihajaju va Opatiju i na devet se vidimo va Kvarnere…

Vlasta, Silvana i Franjo...

Vlasta, Silvana i Franjo...


Jazz spike? by Tonči i Miodrag

Jazz spike? by Tonči i Miodrag


Ekipica iz Puhačkog orkestra Lovran

Ekipica iz Puhačkog orkestra Lovran


Lidija Percan i Alen Vitasović

Lidija Percan i Alen Vitasović


Tamara Brusić i klapa Grobnik

Tamara Brusić i klapa Grobnik


Gina Picinić

Gina Picinić


Tu ne rabi niš pisat, leh smo pojist

Tu ne rabi niš pisat, leh smo pojist


Vezane vijesti:
VIDEO: MIK ipak u Kvarneru
VIDEO: Dve, tri s Alenom Vitasovićem
VIDEO: MIK is back…
FOTO: Dule & Puhački orkestar Lovran
FOTO: ‘Šampioni Sanrema’ u punom sjaju

error: Content is protected !!