FOTO: Liburnija na MIK-e i MIK na Liburnije…

mik_opatija_smMIK inside
Kratki osvrt i priče sa svih festivalskih večeri ovogodišnjeg MIK-a…
Za Liburnija.net piše, fotografira, komentira i svira David Kurti….
Ma i jedno i drugo! Druga večer MIKa je pasala i donesla nagradu publike za Duleta, Silvanu i POL! Hvala sen ki su glasali, a oni ki nisu – razumemo ih aš je ovo leta jako puno dobreh kanconi.
Nego, Opatijke i Opatijci moru bit jako zadovojni kako je druga festivalska večer pasala. Pokazali smo da Opatija zna kako dočekat dragi gosti: na škalineh spred Imperiala lovranska glazba va svečaneh beleh uniformah dočekala je kurijeru MIKovci sopuć ča drugo nego Serenadu Opatije (da ne pozabe kamo su prišli).

Back vokali - 3 A

Back vokali - 3 A


A došlo je i čuda judi se to gledat, domaćeh, a i gosti. Me strah da nisu znali ča se to se skupa dogajalo, ma njin je bilo super: muzika je sopla, Rožice iz Županije (to su one malice obučene va narodne nošnje PGŽ) su hodile okole i slikevale se ž njimi, ekipa z kluba 60+ je šetala va povijesneh monturan, a jedna Njemica je pitala zač nisu i njimi storili takov doček kad su sredu prišli s kurijerun z Štutgarda. Šinjora moja draga, vi onputa bi joj rekal Dule da ju je čul…
A i g. Dujmić je bil zadovojan! Valjda je pročital ča san čera napisal (i nebo plače od sreći) pa je to još par puti ponovil pred sen. Parola je dobra, pa zač ne spomenut. A i Kvarner je bil pun pogodak. MIK ni nikada va lepšoj sale bil organiziran; one silne lampadine, košćići kristala i štukature na zideh najboja su kulisa za ovakov koncert. Na momenti bi se reklo da to ni MIK, nego Sanremo na domaćen, ča će potvrdit i saki od oko 800 judi ča su prišli čut i videt nastup svojeh najdražeh ČA-sopci i kanturi.
Ča se tiče rezultati, i tu moremo bit zadovojni! Dule, Silvana i POL su ćapali drugo mesto po mišljenju publike prvo Gine Picinić i pokla Klape Sol. Gine smo si čestitali (neki ju je i bušnul), a klape Sol smo samo dali ruku (i niki ih ni bušnul – ipak Gina je fanj zgodneja).
Nagrade su isto tako prave opatijske: saki je dobil po jednu sadnicu kamelije i bon za wellness va jednen opatijsken hotele. Sada se još samo moramo dogovorit kada gredu Dule i Silvana na wellness, da gre i cela glazba ž njimi. Tutti quanti bagnomaria!
Silvana, Dule i Puhački orkestar Lovran spreda Imperiala

Silvana, Dule i Puhački orkestar Lovran spreda Imperiala


'Serenada Opatiji' by POL

'Serenada Opatiji' by POL


Si va Kvarner...

Si va Kvarner...


Ekipica z kluba 60+ i Ibrica va srede..

Ekipica z kluba 60+ i Ibrica va srede..


Druženje s profesoricom...

Druženje s profesoricom...


Andrej Baša, Ivo Dujmić i Mario Lipovšek

Andrej Baša, Ivo Dujmić i Mario Lipovšek


Vivien Galletta

Vivien Galletta


Vezane vijesti:
MIK: Klapa Sol prva u Opatiji
FOTO: Dule, Silvana i POL @ MIK
VIDEO: MIK ipak u Kvarneru
VIDEO: Dve, tri s Alenom Vitasovićem
VIDEO: MIK is back…
FOTO: Dule & Puhački orkestar Lovran
FOTO: ‘Šampioni Sanrema’ u punom sjaju

Ovo je arhivski članak. Stranice su u međuvremenu redizajnirane.

Kreni od početne stranice - Poduckun.net