Prezentacija novega libra Marije Trinajstić "Mat mi j' užala povedat" va opatijskoj "Zore"

Knjigu će sigurno razumet čitat i oni ki nisu „izvorni čakavci“, aš saka štorija va knjige ima i svoj slovnik z prevodun na hrvatski.

Opatija - Prezentacija novega libra Marije Trinajstić "Mat mi j' užala povedat", na rasporede je 26. maja na 7 ur večer va opatijskoj "Zore".

Va libre je Marija objedinila se skupa 28 štorij ke njoj je svojni povedala njija mat Darinka: štorije od stareh Opatijci, Rukavčani, Matujci, Brgujci... Uglavnun su to smešne i vesele anegdote z nekadajne Opatiji i drugeh mesti okole, ma baš kako ča ni život ni vavek rožefjori – tako će se i va oven libre nać i ozbiljneh štorij, ma anke i oneh žalosneh, ke povedaju o temu kako su judi teško živeli za vreme i pokle rata.

Devedeseteh let su te štorije jena po jena bile objavjene va priloge Novega lista „Beseda“. Pisane su po domaći, mejten knjigu će sigurno razumet čitat i oni ki nisu „izvorni čakavci“, aš saka štorija va knjige ima i svoj slovnik z prevodun na hrvatski.

Follow @PodUckun