[FOTO/VIDEO] Partil je Kunamix pul Jurčić
Autor: Marin Aničić 23.02.2023
Malo čudno, narekovale su i koludrice ma su se omputa kad je dobro zakuril počele smet
Jurčići – Partil je i Kunamix pul Jurčić. Nabrajali su oni čuda stvari za ča j on se kriv ma kad smo pitali ženske ke su narekovale su nan rekle da j sen ženskan va sele dimnjaki očistil. Ni bil od čuda besed samo daj čistil i po kućah pohajal a se ovo drugo su mu namestili da bi ga mogli boje važgat.
Samoj njih jeno šejst narekovalo drugi su samo gledali. Malo čudno, narekovale su i koludrice ma su se omputa kad je dobro zakuril počele smet. Valda su malo boje promislele. Pusni odbor je gradonačelniku vrnul kjuč i rekli su da nisu kasu ni tikali aš da su nutre bile samo kune. Pogledajte va našen video priloge kako j se to skupa zledalo.
