[VIDEO] Srećko Valić va 'Ča bi reć': Kemičari su ti ki naš svet moraju spasit od smet

Rajka Jurdana Šepić ni mogla zibrat bojega gosta za kega moremo reć da je jedan od svesnejeh va kakoven vremene živemo.

Matulji - Va 50. epizode emisije 'Ča bi reć' prišal je prvi put jedan kemičar i to hodeć aš da biva jušto pul Matuj kade j studio Novinet Tv-a. Prof. dr. sc. Srećko Valić, kemičar, redovni profesor Medicinskega fakulteta te znanstveni savjetnik na Institute Ruđer Bošković. Od kemiji j povedal na englesken, njemačken, francusken i po hrvaski ma po domaći da ni nikad. Zgojen je pul Jušić kamo j njigov otac za zeta prišal pa poveda ovu našu čakavštinu, bimo rekli kastavsk,u a kako nan je povedel, kad pride na Gromišćinu poveda po gromiški. Povedali su o nastavničken dele ko je jako važno i podcijenjeno. Povedal nan je i o Institute Ruđeru Boškoviću va ken dela već jako čuda let. Kako zleda delat tamo, kako zleda, kuliko judi tamo dela ča j nan običnen juden ni baš jako ćaro. Kemija j va današnje vreme morda važneja leh bilo kad prej i čuda j područji ka se istražuju. Kemičari su ti ki naš svet moraju spasit od smet. Intanto, Rajka Jurdana Šepić ni mogla zibrat bojega gosta, a i tu njoj je pred vrati, za kega moremo reć da je jedan od svesnejeh va kakoven vremene živemo.

Follow @PodUckun