Marčejci pozivaju na zakapanje pusta pul Marčeji

A da bite čuli ča je taj pust, rekorder i recidivist na pale pul Marčeji, storil ovo leto pridite malo pošpijat kako su to Marčejci organizirali.

Marčelji - Pul Marčeji se pomalo približava dan potla kega će se bit drugačeje i nekako tužneje... prihaja Pust!!! Po užance Marčejski stari će po zadnji put ovo leto pasat po sele do Brega kade će se sudit pustu Ćaće. A da bite čuli ča je taj pust, rekorder i recidivist na pale pul Marčeji, storil ovo leto pridite malo pošpijat kako su to Marčejci organizirali.

Zvončari se očekuje da će prit na Breg oko 20,30. Da bi van vreme va ćakule z poznatemi brže pasalo dok zvončari ne pridu do onda će seh prisutneh zabavjat muzika uz ku će se nać neč za pojist i popit.

Kako se ni jedan pust do sad ni zivukal od osudi tako se očekuje da će i Ćaća, nakon ča mu se pročita optužnica i osudi ga se, finit podkuren va jame. Pridite i vi poštimat ovu užancu i ispratit ovoletnji Pust, Marčejci van žele dobru zabavu uz onu: ŽIVIO PUST! ZAKOPAJMO GA!

Follow @PodUckun