Pusni četrtak pul Princip – 30 let zvončarske prove

Brajani, 1997.

Ono ča je na početke bila prova postala je prava užanca ka sako leto okupi preko trejset zvončari, muzikanti, a za njimi gredu i maškare.

Principi, 2013.

Principi - Kada pusni dani gredu pomalo prema kraju, na red pride Pusni četrtak pul Princip. Ovo leto ni kod sako drugo aš se je nabralo puneh trejset let od kada je nekoliko zvončari odlučilo storit provu za poć nosit zvonci z Mučići na Pusnu nedeju. Leto po leto, zvončari je bilo se više, a ono ča je na početke bila prova postala je prava užanca ka sako leto okupi preko trejset zvončari, muzikanti, a za njimi gredu i maškare.

2024.

Na tisti dan zvončari obuču stomanje na kvadri i huje brageše, stave kožu i zvonci, obuju črni visoki postoli, a va ruku zamu baltu pa parte...

Pusni četrtak je dan ki čuva navadu, dan kada je se ki god prvi put oprtil zvonci, i dan kada se ćuti užanca ka se neće zatrt.
Teško je z besedami dopovedet koliko je jako čut zvonci, koliko su si dobre voji, koliko lepo judi po seh seleh dočekaju zvončari...

Zato pozivamo seh da sami pridu videt i oćutit Pusni četrtak pul Princip. Partit će se na tri ure od Princip, a nakon tega nas morete nać va neken od sel: pul Brajan, Obadi, Mavrić, Božinić, Franić, a večer opet pul Princip kade će bit parićano za popit, a moć ćete i zakantat i zatancat.

Franići, 1997.

Follow @PodUckun