FOTO: Dule, Silvana & POL na MIK-e ep.6 – Back to Istra

...i peteh je pojil mesec!!!

...i peteh je pojil mesec!!!

MIK inside…
Kratki osvrt i priče sa svih festivalskih večeri ovogodišnjeg MIK-a…
Za Liburnija.net piše, fotografira, komentira i svira David Kurti….
Aaaa, ma ke lepo vreme se’j storilo! Teplina se pomalo vrnja, muški opet va kratken bragešah, ženske opeta va ljetneh brhani, dečina jidu gelato… Se je opeta na svojin meste. A MIK se vrnut na originalnu ideju: sost vane, mej judi, na oprteh trgi.
I si člani MIK karavane se smeju, su hepi. Morda su se odmorili onaj jedan dan, morda aš znaju da moru ostat spat doma za Dan državnosti, a morda zato aš je čera koncert bil va Gračišću.
LIburnija.net: Alen Vitasović i dašak tradicije...

LIburnija.net: Alen Vitasović i dašak tradicije...


Za oni kemi ime zvuči poznato, to je ono mesto kamo se gre na Uskršnji pondejak – pogodili ste, na godišnju Smotru vina središnje Istre. Mićo je to mesto, malo vuče na Volosko, samo nimaju more i vaterpolo pasarelu. Se je va kamike, a da ne bi neki rekal da ni arival na mašu aš da ni bilo mesta va crekve, va Gračišću ćete nać čak četiri crekve. Samo ne znan kako ariva velečasni se obać?
Intanto, doček va Gračišću je bil baš lep. Karavanu su dočekali z vozon i konji, a ki se ni otel pejat je testiral kondiciju aš je do centra bil jedan rebar nazgorun za pasat. A nutre su judi prvo osme ure već čekali da ih puste nutre posest se. Dobro da je va Gračišću oštariji skoro koliko i kuć pa se vreme iskoristilo. Čak je i Alfredo z Iki dopejal svoj voz i storil liburnijski šank va srcu Istri.
Da bi si stali storili su jednu tribinu ka je šla tako vajer da su moglo videt ako su crepi na kućan si na meste, a videlo se od antene i radara na Učke do dimnjaka va Plomine. Skoro kvarat Istre.
.
...kade je treća... je pasala ća, pa ju kritikaju ili nanke ni prišla...

...kade je treća... je pasala ća, pa ju kritikaju ili nanke ni prišla...


Situacija s punti na MIKe nikega preveć ne sekira, aš su si izvođači ovdeka da bi se družili. Si se drže skupa, redu na pijaču ili kamo đir, škercaju i zabavjaju se. Čak je i kapo od MIKa Baša proval sost flautu, kako je rekal, nakon sto let.
Zvezda večeri je ipak bila Lidija Percan ka je za ovaj put zivukla črni brhan z 1975. Kad joj je Mario rekal da je šesno obučena samo mu je rekla: Ti ga visto kome son mačka! I Mario je ostal bez besed, valjda po prvi put. A i Alen Vitasović se’j pokazal pa je uvod va kanconu Istra mati moja odsopal na originalneh istarsken sopelah.
1:0 za tradiciju! Bravo!
A pokla sopnjade, zakuska. Vela torta za prvo mesto i klapu Sol, a za seh degustacija kulinarskeh delicij i vina z rezerve Gračišćani. A onda je Doki zel armuniku, Marin i Silvio trumbete i fešta je partila. MIKovci su samo gledali kako naši z glazbe znaju se njihove kanconi i bez problema ih zasopu.
Normalno, kada je Liburnija centar ČA-vala!
Liburnija.net: Va Gračišću se fešta od 1658 leta

Liburnija.net: Va Gračišću se fešta od 1658 leta


Liburnija.net: MIK band

Liburnija.net: MIK band


Liburnija.net: Silvana, Dule, Mirjana Bobuš i Radovan

Liburnija.net: Silvana, Dule, Mirjana Bobuš i Radovan


Liburnija.net: va Gračišću na se strani rožice

Liburnija.net: va Gračišću na se strani rožice


Liburnija.net: Mario Battifiaca i ženski del Puhačkega orkestra Lovran

Liburnija.net: Mario Battifiaca i ženski del Puhačkega orkestra Lovran


Liburnija.net: Vesna Nežić Ružić i denseri

Liburnija.net: Vesna Nežić Ružić i denseri


Liburnija.net: Maestro Vladimir Babin u akciji

Liburnija.net: Maestro Vladimir Babin u akciji


Liburnija.net: Krcato do vrha!

Liburnija.net: Krcato do vrha!


Liburnija.net:  ...i jedna fotka od glazbe tj. Puhački orkestar Lovran

Liburnija.net: ...i jedna fotka od glazbe tj. Puhački orkestar Lovran


Liburnija.net: va Gračišću su i regali teški

Liburnija.net: va Gračišću su i regali teški


Liburnija.net: nostalgija - kada je zadnji put Baša sopal flautu?

Liburnija.net: nostalgija - kada je zadnji put Baša sopal flautu?


Liburnija.net: Lidija & Alen - ti ga visto ke mačka!

Liburnija.net: Lidija & Alen - ti ga visto ke mačka!


Vezane vijesti:
FOTO: MIK vs. Bakarska vodica
FOTO: Liburnija na MIK-e i MIK na Liburnije…
FOTO: Liburnija na MIK-e vol.3 ili pogled z kontra strani
MIK: Klapa Sol prva u Opatiji
FOTO: Dule, Silvana i POL @ MIK
VIDEO: MIK ipak u Kvarneru
VIDEO: Dve, tri s Alenom Vitasovićem
VIDEO: MIK is back…
FOTO: Dule & Puhački orkestar Lovran
FOTO: ‘Šampioni Sanrema’ u punom sjaju
FOTO: MIK gre put Istri a.k.a. Ako pozabin na Labin…

Ovo je arhivski članak. Stranice su u međuvremenu redizajnirane.

Kreni od početne stranice - Poduckun.net