FOTO: MIK gre put Istri a.k.a. Ako pozabin na Labin…

miklabin_smMIK inside…
Kratki osvrt i priče sa svih festivalskih večeri ovogodišnjeg MIK-a…
Za Liburnija.net piše, fotografira, komentira i svira David Kurti….
Partit za Labin je neč posebnega. Prvo pasaš Dragu, pa počnu one driture pa zavoji, pa Brseč, pa onda naletiš na nanovo storenu cestu.
Prvo kad bi onuda pasevali, judi su se si fermevali na Vidikovce zgora Plomina i pul Dorine da se malo refaju od onakove serije škuji ke bi bile više za Rally vozit nego Hansu i Giovanniju z familijami za poć na godišnji. I onda na driture za poć va Vozilići se pasuje pul termoelektrane Plomin za ku se si pitaju ča njin je tu rabila. Pa još jedan rebar zgorun, pa pomalo zdolun da te policija ne štopa i prideš va Labin. Tamo je se lepo, ma najveća je fora stari lift s ken su judi šli kopat ugljen. I daje piše Tito na vrhe i niki se ne sekira, čak je i semi drago aš ih spameti na neka druga vremena. Još da daju ku ruku pituri na se to, bil bi i Tito zadovojan.
Vranić zel i ovo vreme! Mesto da je se teplo i da se judi kupaju, ova mrzlina i daž ne pušća nas nikamo poć po vane sost. A brižan gradonačelnik Labina je tako otel pokazat novu rivu va Rapce pa na kraje opeta niš, i to po drugi put! Sejno, i Labin ima sportsku dvoranu pa smo imeli kade sost. Labinska republika more se samo ne vreme namestit.
miklabin01
Kako ni bilo niš od dočeka akravane na oprten, si su se spaketali va dvoranu i čekali večer. Silvana je šla na frizuru pul MIK frizerski, a Mario se’j sprijateljil s pason od Ibrice. Inače, pas se zove Bond. Ibrica Bond. I smešan je i pun voji za šetat okole. Najviše voli buketi ki stoje na bine kad je nastup. Jednega je i degustiral, va Čavleh. Morda je vegetarijanac, ki zna?
Istra mati moja, Mia madre Istria… Tako su kantali i dobili Lidija Percan i Alen Vitasović. Ni bilo ča, nego dat njin prvo mesto. Na početke njin ni baš šlo, ma su se sada refali z glasemi. Toliko su se semi pijažali, da su pokla domjenka, kad se šlo va kurijeru, moji z glazbe ćapali kantat tistu kanconu i ča ni naletel Alen i počel kantat ž njimi. Bit će to evergin, već vidin…
Sreća i boh da su nan antifašisti škočili u pomoć! Danaska se ne dela, pa smo ostali doma malo se naspat aš saki dan pridemo doma komać okol 3 jutro.
Pa neki reče da je lahko bit na MIKe… Rabi to se zdurat!

Silvana na frizure... Ki je pokla? Morda Dule...

Silvana na frizure... Ki je pokla? Morda Dule...


Ibrica Jusić, Mario Lipovšek - Battifiaca i Bond Jusić...

Ibrica Jusić, Mario Lipovšek - Battifiaca i Bond Jusić...


Karin Kuljanić - tonska proba

Karin Kuljanić - tonska proba


Vesna Nežić Ružić i njezini tancaduri

Vesna Nežić Ružić i njezini tancaduri


Ženski del ekipe z Jabuki, Sergej z Novega lista, a va črjeneh Martah - Mrva

Ženski del ekipe z Jabuki, Sergej z Novega lista, a va črjeneh Martah - Mrva


Lidija Percan i Alen Vitasović

Lidija Percan i Alen Vitasović


Labinska dvorana krcata Mikovaca

Labinska dvorana krcata Mikovaca


Robertino Grbac i 3 A (Andrej, Ana i Ana)...

Robertino Grbac i 3 A (Andrej, Ana i Ana)...


Dule parićan za kalat mikrofon i teć na snimanje Ramba 7...

Dule parićan za kalat mikrofon i teć na snimanje Ramba 7...


Puhački orkestar Lovran - 'Dimimo' sa stilom...

Puhački orkestar Lovran - 'Dimimo' sa stilom...


Puhački orkestar Lovran, Lidija Bačić i jedan del klape Grobnik kantaju na domjenke

Puhački orkestar Lovran, Lidija Bačić i jedan del klape Grobnik kantaju na domjenke


Alen Vitasović i Puhački orkestar Lovran - sekcija AFŽ

Alen Vitasović i Puhački orkestar Lovran - sekcija AFŽ


Vezane vijesti:
FOTO: Liburnija na MIK-e i MIK na Liburnije…
FOTO: Liburnija na MIK-e vol.3 ili pogled z kontra strani
MIK: Klapa Sol prva u Opatiji
FOTO: Dule, Silvana i POL @ MIK
VIDEO: MIK ipak u Kvarneru
VIDEO: Dve, tri s Alenom Vitasovićem
VIDEO: MIK is back…
FOTO: Dule & Puhački orkestar Lovran
FOTO: ‘Šampioni Sanrema’ u punom sjaju

error: Content is protected !!