[FOTO] Leprinačke maškare storile milenijsku fotku: 'Ni daž ni magla nas nisu rastirali'

Bilo je tu seh grupi; pusni muži, omladina, zvončari, pusne ženske, žmešani i deca i stareji ki su nekada hodili va maškare se puno jako šesneh maškari, a i originalneh.

Veprinac - Va Stari grad va Leprinac na 8 ur jutro parićale su se leprinačke maškare i slikale se za Milenijsku sliku povodun 50 let Pusnega društva Veprinac.

- Osin grdega vremena nekeh su prehlada i gripa sprečile da pridu na slikanje ma sejno nas se je okupilo preko 100! Magla va Staren grade bila je „specijalni efekt“, ali to za našega snimatelja Milenijske slike Davida Kurtija - „Foto Luigi“ ni bil nikakov izazov. Velo mu hvala ča se je odazval na naš poziv i bez obzira na vreme z puno dobre voji storil našu milenijsku sliku za uspomenu generacijami ke će doć pokle nas, poručila je Zorica Sergo, ispred Pusnog društva Veprinac i Kulturnog društva Leprinac.

Bilo je tu seh grupi; pusni muži, omladina, zvončari, pusne ženske, žmešani i deca i stareji ki su nekada hodili va maškare se puno jako šesneh maškari a i originalneh. Tako imamo ekipu dohtori i medicinske sestri ke zajno zakažuju pregledi, celi ekipu „Leprinačke pošte“ ka raznaša poštu, braću Daltoni, pajaci, bubamare, ovce i „šegavo“ za ovo dažjeno vreme – ribari!

- Muži, omladina i zmešani pokle slikanja krenuli su po svojeh rutah a armunike, bubnji i drugi instrumenti su se pokrili z najloni, aš bez muzike niš! Nakon celega dana obahajevanja cca na 8 večer (a ki i kašneje) prit će va našu Salu (društveni dom) kade će se još dugo va noć zabavit uz Trio vox. Isto tako, samo bez slikanja, ponovit će se i utorak aš Leprinac je veli za obać i za to rabi dva dana i onda opet navečer va Salu na tanac. Maškarajte se i pridite z nami proslavit našeh 50 let i zabavit se, dodala je Zorica Sergo.

Follow @PodUckun