[FOTO] Muži, ženske, omladina, zmešani i vrtićari obahajali po Leprince
Autor: Marina Pauletić 14.02.2024
Užanca gre naprvo pa su tako ponedejak i vrtićari obahajali Stari grad.
Leprinac - Obahajevali su po Leprince na pusnu nedeju i utorak muži, omladina i zmešani, a na pusni ponedejak obašle su ga ženske. Nakon milenijske sliki seh maškaraneh grup partili su sejeno „pobirat“ jaja iako je dažilo, a onda je ponedejak vreme bilo malo boje, dok je utorak baš prosvetilo.
Užanca gre naprvo pa su tako ponedejak i vrtićari obahajali Stari grad šesno si maškarani uz pratnju roditelji, teti i z muzikun. Ova tri dana po Leprince se kantalo pilo i jilo pa maškare zahvaljuju sen ki su ih tako šesno dočekali.
„Posebno hvala našemi „specijalnemi prijevozi“ Davoru Deškoviću ki je celi dan bil na usluge ženskemi, a bez njega bi teško to po dobe obavile. Isto tako zahvala i Josipu Uljaniću ki je isto popejeval grupe. Sinoć je održan još jedan tanac va Sale (društveni doma) uz Trio vox, a danas na Pepelnicu osuda i paljenje pusta na 5 ur zapolne i to je to ča se pusta tiče za ovo jubilarno „zlatno“ leto“, poručili su z Pusnega društva Leprinac i Kulturnega društva Leprinac.
