Nenad Smajila: KUD „Dânica“ za 100 lȅt

Čitavu pjesmicu na pasjačkom dijalektu pročitajte u nastavku.

Pasjak – KUD „Danica“ ove godine slavi 100 godina postojanja, a veliki će jubilej proslaviti u subotu, 7. rujna brojnim događanjima. Tim je povodom Nenad Smajila napisao prigodnu pjesmicu na pasjačkom dijalektu koju pročitajte u nastavku teksta.

U svȉt zȍre, kȁda sûnce se pr'prâvlja stȁt,
jȕšto unipût se Dânica na obzôrju, sprâvlja spȁt.
Cȇlu nȍć nãn mȍćno svȉti i zvȇzdican kâže pȕt,
da se u jûtro, na svȉtlen nȅbu ôpet nâjdeju sȅ skȕp.

Dânica ni sâmo nebȅška, u Pȁsjak to sâki znâ,
unȋ kȋ je tôte rôjen, je prȋšal, âli je sâmo zgojȅn.
100 lȅt nãn vȅć kâže pȕt, kȋ nâši stâri su gã storȉli,
kȇga smô do sâda, sȉ skȕp slȍžno prehodȉli.

Dânica nâs tâko vȁdi, dâ se nȉkada ne pozâbi,
čȁ su nâši drâgi stâri u »čȓne dâne« obećâli.
Dȁ ćȇju čȕvat sõj jezȉk, kȍt se čȕva ôko u glâvi,
i dȁ nȇćeju pustȉt, pred nȋkin gâ pohlȇnit.

KUD »Dânca« su zâto storȉli jȍš lȅta 1924 (hȋljadu devȇtsto dvâjset i četȉri).
Danȁska je jȍš vȁvik tôte i vȅkomaj nikâ bȕ!
Dânica, bȕdi žȋva, zdrȁva, prkôsna,
i na sȅ sõje člâne, vȁvik ponôsna!

Srȉća nikâ tȋ durȁ nâjmanj jȍš naslȇdnjih 100!

Besede: stȁt-ustati; jȕšto unipût-točno tada; sprâvlja spȁt-priprema na spavanje; tôte-tu; vȁdi-uči; pozâbi-zaboravi; »čȓni dâni«-dani fašizma; pohlȇnit-posrnuti; durȁ-traje.

Nenad Smajila, mag. arheol.

Follow @PodUckun